Bez 600 lot we Knurowie yno rolniki miyszkali,

I do Izydara Oracza swego patrona rzykali,

Ale kej w XIX wieku zaczyni tu gruba stawiać,

I do fedronku wonglo  ślonzokow namowiać,

Kolonijo za kolonijom się dlo gornikow budowała.

To wtedy w cechowni piykno mozaika powstała

A śni św. Barbara na tle gruby na ludzi blikała

Besto górniki z familijami  do ni rzykali

Co by wiela razy na doł sjadom, tyż tela wyjeżdżali.

Łod połwieku Barborka na nos w kościele filuje

Wyproszo gornikom łaski, a teroski i miastu patronuje

Bo w 1998 roku rajcy i prezidynt z prośbom wystompiyli

Coby Łojciec Świynty jom patronkom miasta uczynili.

Po przeszło 100-u latach stanie w Knurowie łod ni pomnik wysoki

Prawie jak łod hajerow i byamtrow osiedlowe bloki

Dwa koła szybowe jakby jom z dołu na wierch kludziyły

I górnikom „ GLICK AUF- szczęśliwego wyjazdu” życzyły, 

A  miyszkańcom Knurowa Błogosławiyństwa Bożego przysporzyły.

Bestoż muszymy nasza „Barborka”terozki jeszcze bardzi  szanować

Coby ło co yno poproszymy,  w podziynce dostować.

                                                                                                 Andrzej PACH