Coby tyn deser boł godny Świont Bożego Narodzynio trza do niego dać…
Dejcie pozor: Krałza – abo dwie kompotu ze podzimek, tytka suszonych śliwek może byść ze 20 dkg. Jak bydzie wiyncy to se nic niy stanie, piernika miodowego 20 dkg. Może byść 25, to zależy wiela tego mo byść i do wielu ludzi to robiymy (wiela pyskow bydzie przi stole).

Krałza kompotu z jabek, do tego łowoce z ciepłych krajow tak zwane bakalie, wszyskigo dowomy wedle uznanio i ilości pijyndzy w potrmanyju.